يا بلدى قومى
يابلدى قومى وصحصحى
لا تبكى ف يوم ولذا تنوحى
ومتزعليش لو نقولك فتحى
واعرفى حبيبك ولا تجرحى
يابلدى قومى وصحصحى
دالجرح منك ايامه تطول
خلى الصلح بينا علطول
ميهمناش من لايم مهما يقول
دا امله انك تترنحى
يابلدى قومى وصحصحى
نحبك وانتى متحدة
مسيحى مسلم ايد واحدة
عايشين فتسامح وف وحدة
اوعاك عن الحق تتزحزحى
يابلدى قومى
وصحصحى
ياخواتنا يالا كدا نتلم
نكيد بوحدتنا اولاد العم
غدارين يفرحوفى الدم
عايزينك ف الهم بترمحى
يابلدى قومى وصحصحى
علشانك نتحمل الاسية
لاجل عيون الحلوة بهية
حلوة الصبية ام طرحة وجلابية
اتعايقى بسمارك وجمالك وضحى
يابلدى قومى
وصحصحى
هنفضل عايشين من خيرك
وبنشرب من مية نيلك
ومهما بنبعد بنجيلك
ونقولك ياما اصفحى
يابلدى قومى وصحصحى
ليست هناك تعليقات:
إرسال تعليق