اين انا منك؟

اين انامنك؟

اين احلامنا التى رايناها؟

اين امالنا التى رسمناها؟

اين دقات قلوبناالتى سمعناها؟

اين نبضاتناالتى احصيناها؟

اين احاسيسنا التى رويناها؟

ما اقساك ايها الليل الذى

شهد حبا ولم يرو قصته

ما اجفاك ايها الدمع الذى

تلألأ ولم يبح عن هويته

ما اجهلك ايتها النجوم التى

سمعته ولم تصيحى بصوته

وما اجحدك ايها المحبوب الذى

تلاعبت بى فى ساحته

سحقا لحب جعلته

ارجوحة بين كفيك

سحقا لعشق تحدثته

كذبا بين شفتيك

سحقا لجنونى حينما

لمست يداي يديك

سحقا وسحقا لكل شئ

يذكرنى بعينيك

اين عشقك؟ ... اين قلبك؟

اين حبك؟...واين انا منك؟

شفت ابتسامتك

شفت ابتسامتك كما الفجر الي لاح
خطفت قلبي بشكل مخيف
يدق قلبي ويعلن الافراح
وانا بخاف منه الطف يالطيف
دي بسمه هادية فيها السماح
يرق لها النسيم ف عز الصيف
وانا اسير جمالها فيها مفتاح
يفتح لقلبي طريق طاهر شريف

وعجبي

ياشوق ساكن

يا شوق ساكن ف قلبي
يتبعك منين ما تروح
مرة يجري مرة يحبي
مرة يضحك مرة ينوح
لما افتكر ليلة معاك
تظهر ملامحك بكل وضوح
اصلي تعبت من جفاك
وقلبي منك كله جروح
نفسي لو ننسي كل اساك
ونرجع تاني يا اجمل روح

وعجبي

لقيت الحب بعيونك

لقيت الحب ف عيونك
وفجاة ملكت كل الكون
عرفت الورد من لونك
ومن ايدك عبيره يكون
اموت ف حبك وجنونك
اتاري العشق كله جنون
حبيت هواك وشجونك
وقلبي من هواك مفتون

وعجبي

انت الاساس

لعشق قلبي انت الاساس
امل بريق ضي وناس
ملكت حبي بكل حماس
زرعت فيه اجمل احساس
بقيت ف عيني ارق الناس

نحتاج

نحتاج لاحضان
تذيب حرارتها
قلوبا اثلجتها الايام
ومضات حائرة
#اسماءفريد

بنت بلدي

علي وش بنت بلدي الخير
صباحها بميت موال

يشجينا دايما لحن جميل
لما ترن بالخلخال
يعرف قيمتها كل اصيل
وحبها ف القلب اتشال

علي وش بنت بلدي الخير
صباحها بميت موال

احتارت ف جمالها المواويل
ايه اشعار وايه ازجال
لما نغني يا عين ياليل
علي جمالها مالوش مثال

علي وش بنت بلدي الخير
صباحها بميت موال

ولا تعرف ف الشده عويل
والصبر جواها جبال
علي رقتها الف دليل
لما ترد بكل دلال

علي وش بنت بلدي الخير
صباحها بميت موال

اشبهك يا بحر

اشبهك يا بحر                    

اشبهك ايها البحر

 وما تحمله من اسرار

فانا مثلك كالبئر

ليس له قرار

اخفى الهموم فى

قلب ابيض كالجمار

يكمن السر فيه كما

يكمن اللؤلؤ ف المحار

فاخاف من كثرة الهموم

بقلبى ان  ينهار

واصبح بلا قلب

فلا اجد لى مرسا وفنار

فاين مرساى الذى

يملا الدنيا حولى عمار

لاحقق فيه احلامى

كما ف عالم الاسحار

لالتقى بروحه ونختفى

بين امواج البحار

عشقتك وطن روحا بلا جسد

اظل وحيدة عند ما تغيب عن ناظري

                       ملكتنى

ملكت قلبى وكل حياتى

رايت بك نفسى وذاتى

ادركت انى من دونك

عمر مضى بلا ات

ايا اسما ناديته فجمع شتاتى

ايا حرفا تحدثته بكل اللغات

ايا همسة احيت لى كل همساتى

فحبك لى وردى وصلاتى

كم احتضنتنى عيناك

فاذابتنى اجمل النظرات

وسكنت قلبك فروتنى

ومض النبضات

اراك تميتنى عشقا

 حين تنادينى بمولاتى

عشقته

عشقته ياليل واتمني يناديني
تسابقني فبل جسدي وقلبي الروح
ارجع له واقوله حبك يداويني
انا ضلك انا قدرك منين ماتروح
باتمني كل يوم اصحي علي طيفك
يداوي قلبي من بعده كله جروح
وياخدني بعيد لزمن تاني
الاقيني شايفك وحاسك بكل وضوح
واقول يا عمري ايه اعوز تاني
ما خلاص جاني الي رد فيا الروح

وعجبي

ياصبر

ياصبر ماشي تمرجح فينا
ما خلاص تعبت منك قلوب
ياصبر حلمك كدا علينا
مش كل واحد منا ايوب
وحتي الحلم ما سال فينا
والقلب من حلمه بدا يدوب
لا حب جه بيوم ينادينا
ولا شوفنا هوا المحبوب
ليه يا زمن ماشي تعادينا
دا العشق ف القلب مكتوب
لو فيه نصيب نسهر ليالينا
هندوق غرام حلاوته بتدوب

وعجبي

اين انا منك؟

اين احلامنا التي رايناها؟
اين امالنا التي رسمناها؟
اين دقات القلوب التي سمعناها؟
اين النبضات التي احصيناها؟
اين الاحاسيس التي رويناها؟
ما اقساك ايها الليل الذي شهد حبا
ولم يرو قصته
ما اجفاك ايها الدمع الذي تلالا
ولم يخرج للبوح عنه
ما اجهلك ايتها النجوم التي
شهدت حديثه ولم تفصح به
وما اجحدك ايها المحبوب الذي
تلاعبت بي من اجله
سحقا لحب جعلتة ارجوحة بين كفيك
سحقا لعشق تحدثته كذبا بين شفتيك
سحقا لجنوني حين لمست يداي يديك
سحقا وسحقا لكل شئ يذكرني بعينيك
اين عشقك ؟ …اين قلبك؟…اين حبك؟
واين انا منك؟

الشعر

ليس كل من يكتب الشعر شاعر
فالشعر احساس ومشاعر

الشهيد

هو ده شهيد جيش
الي كنت زعلان منه
وقلت عليه ميساويش
الي كل يوم يموت
علشان بس انت تعيش
الي مات قبل ميلاده
وعمره قل خلاص مفيش
الي يومه اتسرق منه
وخلص قبل الاوان
الي حضن رصاص عدوه
علشان تبقي ف امان
الي ضحي بضي شمسه
لجل ما شمسك تبان
الي صلي لربه فرضه
وايده فيها السلاح
الي باس تراب بلاده
لجل ما ينول السماح
الي حفر بايده فبره
وقال حي عالفلاح
هو قلبي هو قلبك
هو اخويا هو ابنك
هو ابويا هو عمك
هو صرخة ام كتمت
جرحها بعمره الي راح
هتفضل روحه حارسه لينا
ونبتدي الفجر الجديد
افرحي بابنك يا بلدي
داليوم ده هو ف عيد
انتي حبه وراضي ربه
هو ده يبقي الشهيد

لن اعود

اليكم اخر قصيدة بديوان اميرى اهدااااء من لكم وفى انتظار صدوره قريبا ان شاء الله
ارجو ان تنال اعجابكم

                      لن اعود
راحلة انا ولن اعود
راحلة ولن انسى الوعود
فان كان حبى كاشمس
يعطى بلا حدود
فكرامتى عندى بكل الوجود
سارحل انا ولن اعود
اردتك وطنا اتحدى به الاوطان
اردتك قلبا يملؤه الحب والحنان
اردتك عشقا يملك كل الوجدان
فابيت واقمت السدود
عفوا اميري لن اعود
ابعدتنى واثرت الشجون
وكنت ملك حبك المجنون
عاشقة انا اهوى الجنون
ولم ارى منك الا الجحود
راحلة انا ولن اعود
ستندم على هجرى ياذا الجفاء
فحياتك كلها قصة رياء
ستهذى بحبى كما الوباء
واتعالى انا وتاجى الصمود
لانى كرهتك فلن اعود

قدر

حقا لا اختيار
هو قدر من الاقدار
يتملك القلب
ويصبح اكبر الاسرار
دفءه كشمس النهار
في شتاء مدوي الاعصار
صوته كنغمات قيثار
اتي من عالم الاسحار
نبضه كبركان هادئ
من شدة الحب فار
هو عالم هو دنيا
هو نحن دون فرار

ياما عشانك شفت كتير
واتحديت حاجات كتير
جه اليوم الي هلقولك
اني عليك بقيت كتير

قلنا دنيا ضحكت لنا
اتاريها ضحكت علينا

يا صوت الناي فؤاد حجاج

يا صوت الناي بقيت خصمي..
عجنت الهم في إسمي
وحُزْنك كان سبب قَسْمي
وحزْ في عصبي فكِّكني ..
وخدرني ..
وصبرني.. بقيت صابر..
ف جوَّايا كلام وأنين .. ومش قادر
شربت الصبر م السقا
وكل ماعوز أقول لأه..
تاخدني الآه في موَّالي أغني ياليل..
ياخُدني الليل بلا فرحة..
واقول يا عين..
دموعها تملى 100 صفحة..
وانا ف عشقك باقوم واصحى
واقولك يا ام روح سامحَه ..
بلاها الآه ..

دنيانا

وكنت اخاف عليك من غدر الدنيا
اصبحت انت والدنيا سواء
قتلت قلبا كنت بداخله دنيا
فتركته لهم اضحوكة وهراء
وكفاننننا من الدنيا.........

سيجال

قالو في المثل زمان
ام الشهامة والرجال
كريمة وناسها ابية
دي تبقي بلدي الشرقية
_________________________________

ياحلوه يا هنيه... يا بنت المحافظه ديه ..محافظه الشرقيه

يا رفيه المقام دا انتى بنت الامراء والسلطان ...ماتعرفى انك من زمان كانت فيكى عاصمه ..ام الدنيا ديه
________________________________

دي الحلوة بلدي العفيه
عايقة بطرحة وجلبيه
شديده وفيها الحنيه
طبعا مهي بنت بهية
_____________________________

الله عليكى ولاده رجال...وابنك عرابى ياما صال وجال...وكمان قال خلقتنا امهاتنا احرار ...عرفتوا هما وداك الطيبن اليى دافعوا عن الغلابه والمساكين
________________________/__

من الاجداد للاحفاد
صاينة تاريخ الامجاد
حصن قصاد الاوغاد
مقبره للي يهينها شويه
حامي دم الشرقية
____________________________

بحب الشرقية

رد اعتبار لبلدي

بحب الشرقية

اتباهي انا بيها
وبناسها الطيبين
لو لفيت الدنيا بحالها
الاقي الطيبة دي فين
عظيمة بناسها وكرمها
ما يختلف عليه اتنين
حافظة ودادها وعاشقاها
وترابها اشيله في عنيه
باحب بلدي الشرقية
لو ندل ف يوم يعاديها
او فكر يجرح فيها
تلاقي الصغير فيها
يدافع بقوة عفية
اصيلة بلدي الشرقية
قالو فلاحة قلت ومالو
من غيري تموتو م الجوع
اكلكو لبسكو كله بحالو
من خير ارضنا المزروع
كرم واخلاق بيتشالو
ف القلب بصوت مسموع
ناسيين خيرها عليكم
والا عايشين ف وسيه
من خير بلدي الشرقية
تاريخها واضح وباين
والكل يشهد ليه
يسلم زرعها الي زاين
بلدنا والخير تلاقيه
دي النسمة فيها شقية
جميلة بلدي الشرقية
من عرابي واجدادنا
لعند اصغر اولادنا
عظماء صاينين بلادنا
شاربين اصالتها بجهادنا
طبعا مهي بنت بهية
اكيد دي بلدي الشرقية

عد لقلبي

اراك بعين الماضي
والحاضر يواتيني
هلا مالكا قلبي
اناديك فتاتيني؟
الوذ في بعدك بصمتي
وهجرانك يجافيني
كم اشتاق لحلم
يقربك ويشجيني
ويبعد عني الالم
فالم البعد يضنيني
اميري يا صانعا حبي
الا بنظرة تحييني
تحول صحاري دربي
لازهار البساتين
عشقتك اسرا عمري
فعودتك تراضيني

طيفك

طيفك همس  من جديد
انا واقف هنا عالشباك
فتحت لقيته بدر منور
واقف يدورف سماك
قالي ناداني الهوي وجيت
ومقدرش اعاند هواك
قلت له روحي وروحك
في قلب واحد معاك
والقلب من كتر حبه
عايش يتمني رضاك
مقدرش اكون ف يوم
من غير نعمة لقاك
هواك جوايا يحيييني
وامنت بحبك واساك
وايه ف حياتي يشجيني
غير حبك يا اغلي ملاك

اميرى

                                 اميري 5

اعلم انى لك معنى الحياه   

فاعلم انك لى نعمة الاله

فكيف ضل الحب طريقه

وكيف وصل بنا لمنتهاه

اتتذكر كنت لي يوما حبيبا

لا بل كنت لي طوق النجاه

كيف تحولت الازهار شوكا

وتحولت السعادة لكلمة اه

ورسمت لنا الدنيا اجمل صورة

ولكن رسمتها فوق المياه

لم تعد الاحلام للنوم رفيقة

واصبحت ذكراك لى هى الحياة

لماذا يلومنى ؟

                                  لماذا يلومنى ؟

يلومنى على انى احببته

وهل القلب على الحب يلام؟

اعترف انى ادمنته

فهل يعلم ان حبى ليس مجرد كلام؟

علمت انى بهواى اسرته

وهل الهوى يرى فقط فى الاحلام؟

كم انت انت هو من اردته

فهل تعلم انك واقعى وليس اوهام؟

قلب بداخله انسان

                 قلب بداخله انسان

عجبت لك يا قلبا

اتشعر بفرح وسط الاشجان

ولقد ازددت عجبا

كيف تحول الجفاء لهذا الحنان

فقد عشقت الهرب

ابنظرة عين كست زهورك البستان

وتحولت صحاريك لعالم الافنان

اخبرنى بالله عليك

كيف زادت نغماتك وعلت الالحان

والدنيا ملك يديك

فاصبحت تهذى بترانيم الولهان

اعشقت حقا ؟ ام وصلت للهذيان؟

اخبرنى بصدق فلم يعد لصبرى سلوان

رد قلبى وفى حناياه العشق الفتان

فقال بكل ود خال من البهتان

لقد اصبحت قلبا بداخله انسان

اعشقه

                         اعشقه

اعشقك يا من توجنى

ملكة على عرش الزمان

سابنى لك مملكة

يحيطها الحب والحنان

وساصبح انا فقط

سيدة قلبك ورونق المان

انانية بحبى ليس غرورا

بل عشقا ملك كل الوجدان

احبك احبك احبك

باى لغة ينطقها كل لسان

فانت داخل قلبى

اجمل انساااااااان

انا مصرية

انا مصرية
مصر دي اصل تكويني
مصر دي دنيتي وديني
ومية نيلها تحييني
ترابها غالي اوي عليه
انااصلاابقي مصرية
قالولي ليه تحبوها
وتتفانو وتفدوها
رديت متيجو تزروها
وتدوقو شوية حنيه
انا اصلا ابقي مصرية
افتخر انا باجدادي
فراعنة واصل عنادي
انا بنت النيل والوادي
لا وكمان شرقاوية
انا اصلا ابقي مصرية

ضيعت قلبي

لما جالي من حبيبي جواب
فرح القلب وفتح له بابه
قتحته لقيته كله عتاب
ندمت وقلت دا ايه جابه
كنت نسيت هوا الاحباب
بعد هوان الحب وعذابه
يوم ما افتكر يبعت جواب
الاقي المرساكن في جوابه
كان قلبي لحبك كله كتاب
وانت لوحدك كنت كتابه
فجاه كلامه كله سراب
ودابت صفحاته وجرابه
بيقولو الهوي صحيح غلاب
وهواك ضيع لقلبي شبابه

وعجبي

فؤاد حجاج

لفيت ...

وحبيت ..

كل بيت فيكي

وكل شارع وحاره

وكل ميدان

لفيت وبصيت

وحسيت ببانيكي

وعرفت انه

م الرجال إنسان

الصبر صبه مباني

والحب بذرة غيطاني

ومنين أطول المعاني

للي بنى مصر

وأسس البنيان .
..................
أما أنت يادي القلم

جواك فرح وشجون

ساعات بتجلب نعم

وساعات تودي سجون

الشعر: هو المبتدا وهو معشوقي.

اتواعدنا اننا
نتقابل من جديد
تاه المكان مننا
ونسينا المواعيد

اريدك وطن

اريدك وطنا ليس له حدود
اسكني بقلبك واقم السدود
اغرقني حباوعشقا ممدود
وقل للجفاء ابدا لن تعود

دنيا

جينا ف دنيا من عدم
لانعرف كون ولا انسان
من فينا فيها ما اتظلم
ولا تاه في عالم النسيان
عشنا في دوامة القدر
تحت رحمة الاشجان
بنجري فيها ومش حاسين
رايحين لجبل م ا لتوهان
دنيا اولها بكا
واخرها ضمة ف الاكفان

انا

انا الاحساس تجمع في بشر
واستمد كيانه من الشمس والقمر
اكتب حروفا من قطرات المطر
يفوح منها عبيراجمل من عبير الزهر
انا من بنيت من الشعر ابيات
وجمعت حروفي من النسمات
فغزلت منها كلمات تسبح
في بحر العبارات
تصير بيننا حديث وهمسات
دائما يحيينا نبض الكلمات
انا من تخطيت العمر
ومازال بداخلي عالم براء
طفلة تلهو وتلعب بضفائر شقراء
الدنيا حولها بستان من زهور بيضاء
كل احلامها ان تعلو وتعلو الي السماء
تعاند الشمس تداعب القمر
تهمس للنجوم الوضاء
تجمع السحيبات في سلتها الزرقاء
سالوني ااحببتي
قلت مازلت اشعر باحاسيس عذراء

الحنين

لما الحنين خدني اليك
دق قلبي دقتين
ولقيتك انت جواه
ساكن فيه من سنين
عشق دايم متربع
جمع الشوق  والحنين
كلمتك زاد دقاته
واتبسمت بسمتين
بسمه قالت لي اهواك
والتانيه هتروح مني فين
سلمت للهوي وعرفت
انك قلبي وضي العين

فرحتي

زيدو الفرح وشموعه
وسيبو الحزن لدموعه
وقولو للقمر احكي
عن جمالنا وموضوعه
دقو الطبل والمزامير
لاحلي اتنين دينا وامير
اجمل عروسين ف الدنيا
يارب احفظهم بعطف كبير
علي دقة قلبه بتتمايل
دي عروسه رقيقه وعاجباني
هيزرع بحبها خمايل
احلي عريس معجباني
من قلبي بادعي وبفرح
ربنا يبارك ليكم
كلنا بالفرح بنسرح
ربنا يتممها عليكم
بالخير والفين مبرووووك

اردوغان

اجمل حاجة انك تنام في امان
وتصحي علي خبر كان
نفسك تسمعه من زمان
مستنيه وانت فرحان

سبحان الله اول مره افرح في حد
بس الراجل ده عمل بينه وبين الود سد
الاسم دولة اسلاميه وبعيده عن دينها كل البعد
ياقردو غان ياسلام انت اصلا محصلتش قرد

اتنطط علشان تاذي ناس كتير
ونسيت ان فوق رب كبير
شوف دلوقت انت ايه
ياتري بقيت امير
عايزه اقولك كلمه ف ودانك
ولكل الي كان نفسه يبقي مكانك
مصر مش لعبه ولا اسيرة طغيانك
مصر حره ف حفظ المولي
وزي ماتدين اكيد ربنا دانك
كلمه يالي كنتم بيه معجبين
شكلكم ايه وانتم روسكم ف الطين
يارب بس تغهمو بلدكم اولي بالحنين
وياتري فعلا بتفهمو ولا خرفان خايبين

ادب سيس خرسيس
لو نطقت هتبقي فطيس
ادب يوك بقيتو خلاص ملاحيس
والله عفارم علي الي طرد كل خسيس
امان يارب امان بقدرتك
تدين يا اعظم ونيس

ده انذار للي بيفكر
انه يوم علي مصر يقدر
والا يفتكر انه الاقدر
روح دلوقت علي بلدك اقدر
وحواليك خرفان تتنتور
ربنا يديلك كمان وكمان
وتبقي عبره لكل البلدان
الي بيفكرو يخونو الاوطان
عارفين نفسهم من غير اي بيان
ولازم في يوم هتدور عجلة الزمان

كلمات من انسانة مؤمنه بان الله لا يضيع مثقال ذرة من حق وانه كما تدين تدان
#اسماءفريد