رمش القمر

انا تحت رمش القمر بنيت لنفسى سور غنايا تحت الشجر وبترقص لى الزهور

ياليالى ياليالى قلبى طار ف العلالى فرحنى حبى ليكى والشوف بدايلالى ناديت يابدر قول انا صايبنى الفضول قالى شايفنى ايه احلى بنات الحور 

ياليالى ياليالى قلبى طار ف العلالى فرحنى حبى ليكى والشوق عمال يلالى

صعيدى اوف لاين

تحكى لمين يا ودع والكل مش دارى

لما الاصيل يتوجع والخلق متدارى

واما الخسيس يتمرع وللظلم بيجارى

ارمى البياض يا جدع وسيبها للبارى

اصيل وضهره انحنى لما الخسيس خانه

عاتب عليه الزمن ولاحد يوم صانه

ليه العتاب يا ولد

والكل ف مكانه

 دالحق عالى القدر

وكله باوانه

ياللى هويت البدروعشقت مواله

حلال عليك الود والبدر وجماله

يالى هويت القرد وعشقت امواله

يخفى يابوى المال والقرد على حاله

...وعجبى

ياريت نحس

ياريت نحس ..نتعلم ٠

نواجه كل اخطاءنا

نخلى قلمنا يتكلم 

ونكتب كل معانينا

مهى حافظة كل خطاوينا

اكيد ف يوم كدا وقعنا

اكيد تاهت ف بلاوينا

اكيد عالهموم صبرت

وحاولت

ف يوم .تعدينا

وتاخد برده بادينا

لوقت بنحلم انه هيجينا

يرجع كدا سنين حلوة

ياما فرحنا .وضحكنا 

والضحكة طالعة من جوة

تسر القلب والخاطر 

تدندن ف الحياة غنوة

كبرنا ..

كبرنا خلاص وفهمنا

ان الى راح مابيرجع

وذكراه الم بيوجع

لاهنحصل نعيش بكرة

ولا نرجع ضحكة فاتت

مهى خلاص تاهت

تاهت ف زمن العجايب

والضمير بقا كله غايب

ف صرخة طفل كان مرمى

وعمره يا دوب شهرين

ف قتل اب لابنه 

ياترى قلبه كان فين

ف غدر صاحب لصاحبه

 جمعهم طبق مش طبقين

ف قسوة ابن على امه

 رماها ف غمضة عين

ماقلنا زمن العجايب 

الغدر فيه واجب

والكدب بقا صاحب

والحب مات واندفن

وصاب القلوب العفن

وبتسالوا عالضحكة فين

ياترى نجيبها منين