الامل

لا تقف فى طريق الياس
ودعه يمر بسلام
وانسج من فكرك الامانى
واجعلها اجمل الاحلام
لا الليل يبقى ليلا دائما
هناك نهار يبيد الظلام
ولا الوهم يبقى وهما قائما 
هناك واقع يفتت الاوهام
لا تلعن الظلم
ان جاءك من بعض الانام
ولا تكن جلادا 
فكن فقط حمامة سلام
لا تاخذ بثارك
فيدمرك الانتقام
واعلم ان الله حارسك
ومن يطعه لا يضام

اوهام

اوهام اوهام اوهام
سمعنا كتير كلام
وعود بذمة وضمير
شفنا منها حطام
والكلمة بقت بتطير
الضحكه كانت بزيف
والحرف حلو ولطيف
عليه النقطة ملام
بص لي قلت حبيت
خدعني قلت ياريت
بعدت زي ما جيت
كان حب والسلام
حتي واقعنا معكوك
الصباره زهرة بشوك
فراشات امرها مشكوك
حشرات دى والا حمام
كل الناس بقت مقاييس
قلتا ملاك طلع ابليس
الاخلاق محبوسة ف كيس
مقفول عليها الزمام
ماكله اصبح اوهام

قتلتنى

علقت قلبى بدنيتك وجريت اوام
لما انت ناوى عالبعاد وعلى الالام
ضيعت ليه حبى معاك عيشتنى باوهام
وقتلتنى
قلبك هجرنى ولمتنى ولحبى خان
صعب ابتسامتك تتولد مع الاحزان
وتبقا دموعك دنيتك من غير اوان
وليه ف يوم جرحتنى وبقينا كان
وبكلمة واحدة دبحتنى والغدر بان
هانت عليك عشرتى ضاع الحنان
وقتلتنى
كان نفسى اقول وحشتنى  فين الحنين
لما ف يوم حضنتنى راحت سنين
مش قادرة اقول هجرتنى
وبقيت انين
وازاى هاعيش من بعدك
وازاى هانسى بعدك
قلبى الى يوم حبك
داب من الاشواق
كان امله يبقى قربك
ويعيش العمر جنبك
لكن اوام ظلمك
نادي وقال يا فراق
وقتلتنى

هنكمل

هنكمل
هنكمل معاك مشوارنا
ونعاهدك والايد ف الايد
يا رئيسنا يا رافع راسنا
وبلدنا هتبقا ف عيد
ونرجع تانى الامجاد
والضحكة ف عين الاولاد
نتباهى بعز الاجداد
واملنا جديد ف جديد
مكملين ...... مكملين
وهدفنا كلنا عارفين
بقلمنا كتبنا مصيرنا
وكلامنا كلام عاقليين
وبلدنا هتبقا ف عيد
لا هنتراجع ولا هنسلم
ولا هنكسل وهنتعلم
وانتخاباتنا الى هتتكلم
صوتنا امانة وعزم شديد
وبلدنا هتبقا ف عيد
ومهما راح منا الرجال
ومهما واجهنا المحال
والدم جوا الرمال
هنجيب حق الشهيد
وبلدنا هتبقا ف عيد