لبنان منية القلب

حينما ارى
جمالا سائرا بين البلدان
زهرة فواحة فى البستان
وروارا يشدو على الاغصان
حبا سائرا فى كل مكان
تكون هى منية القلب لبنان
كل عام وانت فى امان
كل عام واهلك لنا اخوان
كل عام وسحرك ياخذ الاذهان
احبك فى كل اوان
يا منية القلب يا لبنان

اهى دنبا

آهي دنيا
احترنا معاك يا دنيا
 ومش عارفين
إنت اللي معاندة
والّا احنا اللي معاندين
فيك الحقيقة ثواني
والوهم معاك سنين
ومش حاسّين
جينا ف دنيا من عدم
لا نعرف كون ولا إنسان
من بس فيها ما اتظلم
ولا تاه مع النسيان
عشنا في دوّامة القدر
تحت رحمة الأشجان
بنجري فيها وبنعافر
رايحين لِدُنْية التوهان
أوّلها ضمة طفل بيبكي
وآخرها ضمّة  الأكفان
مع الأشجان
دا حال الدنيا يفرّقنا
عن كل غالي عرفناه
اللي يعرفها ويحفظها
ما يسأل فيها بقوله آه
دنيا غَرورة ومَكَّارة
تتوّهك وتقول دا تاه
تصرخ وتعمل بريئة
وتصدّقها يا وِلْداه
أوّلها وآخرها حيرة
اللي يعاندها تجري وراه.

يا صبر

ياصبر ماشي تمرجح فينا
ما خلاص تعبت منك قلوب
ياصبر حلمك كدا علينا
مش كل واحد منا ايوب
وحتي الحلم ما سال فينا
والقلب من حلمه بدا يتوب
لا حب جه بيوم ينادينا
ولا شوفنا هوى المحبوب
ليه يا زمن ماشي تعادينا
دا العشق ف القلب مغلوب
لو فيه نصيب نسهر ليالينا
هندوق حلاوة غرام بتدوب
ونقول قصص فيهاحكاوينا
عنوانها الصبروالمكتوب