حلب تحترق

يا ارض ثورى دا وقت الغضب
ياارض طفى فيكى النار
يا شمس اصحى وصحى العرب
صحى فيهم حب التار
ياصرخة طالعة من بلدى حلب
دالى بيحصل فيها دمار
حرقو ولادنا شبابناوهرب
دمنا لما وصلنا العار
فين الامل فين الطرب
فين الوعد ..دا عدى وطار

وشوش وشوش

وشوش وشوش
عايشين ف دنيا كلها وشوش
فيها الاصلى وفيها المغشوش
فيها الطيب ابو قلب بشوش
وفيها الكداب يارب حوش
فيها وش ماليه الغش
متركب فوقه مليون وش
ووش بيلعب بيك ويقش
ولما عرفته بدات تكش
ووش تحبه وتصاحبه
والطيبه طالعة من قلبه
من طيبته الكل بيحبه
وحظه فى الدنيا معلش
ووش فوق وشه وشين
ادامك ياااه حبيبك وزين
اتلفت تلاقيه فيك يهين
وعايز غله فيك يفش
ما الناس معادن
مش دهب منقوش
معلشى ياصاحبى
اصلها غابة وشوش